Кошаркарите на Денвер Нагетс го совладаа Лос Анџелес Лејкерс со резултат 108:106 и го елиминираа од првото коло од плеј-офот во НБА со вкупни 4-1 во серијата.
Во еден многу интересен меч се истакна Никола Јокиќ кој го заврши мечот со 25 поени, 20 скока и 9 асистенции, додека Џамал Мареј постигна 32 поени, вклучувајќи и шут за два поени на четири секунди до крајот кој го реши победникот.
Одличен беше и Леброн Џејмс со 30 поени, 9 скока и 11 асистенции, како и Ентони Дејвис со 17 поени и 15 скока, но заминаа на одмор кој ќе биде пократок од останатите соиграчи бидејќи се се очекува да игра во август за Соединетите Американски Држави на Олимписките игри во Париз.
Во второто коло од НБА плеј-офот на Западната конференција, Денвер ќе игра против Минесота која го „збриша“ Феникс со 4-0.
Премин во второто коло обезбедија кошаркарите на Оклахома Сити Тандер кои го победија Њу Орлеанс со 97:89 и го „уништија“ со 4-0.
Оклахома во второто коло ќе игра против Лос Анџелес Клиперс или Далас Маверикс. Резултатот во таа серија е 2-2.
Бостон направи голем чекор кон пласман во второто коло со победата од 102:88 во Мајами, и поведе со 3-1 во серијата.
Победникот од тој дуел во второто коло од плеј-офот на Истокот ќе игра против подобриот од дуелот Кливленд - Орландо (2-2).
