Идната недела, на 4 јули, сондата Џуно на НАСА ќе пристигне на Јупитер. На вчерашната средба на Кралското астрономско друштво, научникот Ли Флечер дебатираше за фотографиите на Јупитер, направени со највисока резолуција досега.
Лажната боја на термалните фотографии ги покажуваат температурите, времето и облаците на атмосферата на планетата. Податоците се земени од набљудувањата со термалната камера VISIR од големиот телескоп на Европската јужна опсерваторија во Чиле.
Додека Џуно не почне да испраќа нови информации за планетата, овие термички опсервации ќе им помогнат на научниците подобро да ги разберат времето и атмосферата на Јупитер.
