Јужноафриканец свиреше гитара додека му го оперираа мозокот
Џез музичарот Муса Манзини од Јужна Африка го оперираше туморот на мозокот, а докторите решија дека тој треба да биде делумно буден за време на операцијата. Наместо да мирува, неговата одлука беше да ги забавува хирурзите и им засвири на гитара за време на операцијата.
Операцијата беше изведена во текот на минатата недела во болницата Чиф Алберт во градот Дурбан. Докторите инсистираа Манзини да биде делумно буден наместо да добие целосна анестезија, бидејќи на тој начин полесно можат да ги проценат реакциите на мозокот од нивните зафати.
„На овој начин ги тестиравме регионите од мозокот и нивната реакција при отстранување на туморот. Тоа ни овозможи да го отстраниме туморот со минимални оштетувања на мозокот“, изјави докторот Базил Еникер.