На доделувањето на British Fashion Awards во Лондон 17-годишната Каја Гербер беше прогласена за модел на годината.
Покрај бројните млaди манекенки како што се Кендал Џенер, Џиџи и Бела Хадид, Хејли Бибер и други, оваа титула ја понесе ќерката на поранешниот супермодел Синди Крафорд. Младата Каја на свеченоста беше во присуство на целото семејство, а заедно со родителите и братот позираше на црвениот килим.
Каја на првата насловна страница се најде кога имаше само 14 години, а потоа се појави и во Vogue. Досега има работено модни ревии за голем број брендови.
Годинава заедно со Карл Лагерфелд дизајнираше колекција на облека, наречена KarlxKaia.