На 59 доделување на Греми наградите Адел и Бијонсе истовремено беа номинирани во неколку категории, а на крајот Адел излезе апсолутна победничка, освојувајќи пет Греми награди.
Во еден момент, при освојувањето на наградата за најдобар албум, во емотивен говор Адел изјави дека Бијонсе повеќе ја заслужува наградата и ја расплака бремената Бијонсе.
Бијонсе беше номинирана за девет Греми награди, по неверојатниот успех со визуелниот албум „Lemonade“ во 2016 година. Но, на крајот пејачката си замина дома со две награди.
Еве што изјави Адел, кога ја доби наградата за албум на годината:
„Не можам да ја прифатам оваа награда, а да не се заблагодарам на една многу значајна жена во мојот живот, Бијонсе. Нејзиниот албум „Lemonade“ е величествен, толку е вреден. Бијонсе, ни ја покажа и другата страна од себе и сите те цениме поради тоа. Те обожавам, Бијонсе“, порача Адел во емотивниот говор кој ја разнежни Бијонсе.