Хакери неодамна го изведоа најголемиот напад на интернет поради кој не беа достапни некои од најпопуларните интернет страници, а мета на нивниот напад беше компанијата Dyn во Њу Хемшир која функционира како "раскрсница" на интернетот.
Причината за падот на голем дел од интернетот во текот на 21 октомври беа серија DDoS напади насочени против Dyn. За тоа колку е сериозен нападот зборува и фактот што за случајот се јави и Белата Куќа, но властите во САД се уште немаат информации кој може да стој зад нападот.
Нападот бил изведен од стотина илјади уреди поврзани на интернет, односно Internet of Things уреди кои претходно биле заразени со штетна програма. Тоа им овозможило да предизвикаат пад на светската мрежа, а се започна на истокот на САД. Набргу потоа нападот се проширил на остатокот од САД, а потоа ја зафати и Европа.
"Комплексноста на нападот претставува предизвика за нас" - изјави портпаролот на Dyn, а во истрагата се вклучи и ФБИ.
Корисниците се жалеа дека не можат да пристапат на повеќе сајтови межи кои и CNN, New York Times, Wall Street Journal, како и некои страници како што се Amazon, Twitter, PayPal, eBay, PlayStation Network, Spotify, Netflix, Tumblr и Reddit.