Веројатно една од најнепријатните работи поврзани со смартфоните е губењето на телефонските контакти, адресите и другите важни податоци поврзани со контактите кои биле зачувани во меморијата на Андроид уредот. Сепак, постои начин како да ги вратите.
Важните податоци може да се изгубат на многу начини, а како и да се случи тоа речиси секогаш предизвикува многу стресови и проблеми. За среќа, Gmail има една помалку позната функција која овозможува враќање на контактите и информациите кои се изгубени на Android смартфон.
Сепак, постои временско ограничување - за контактите од чатот треба да реагирате за помалку од 24 од губењето на податоците, додека за губењето на контактите од Gmail имате до 30 дена.
За да ги вратите изгубените податоци треба да се логирате на веб страната на Gmail, и да кликнете на зборот Gmail во левиот горен дел. Ќе се појави мени, од кое треба да изберете Contacts.
Опцијата ќе ви понуди преглед на сите контакти што Google ги поврзува со вашиот кориснички профил, во кои се и и-мејл адресите и телефонските броеви. Од левата страна ќе најдете мени со неколку опции, кликнете на опцијата More, а потоа на опцијата Restore Contacts.
Постои можност да одберете временска точка од која сакате да бидат вратени податоците, односно еден час, еден ден, една недела и така натаму. Одберете ја онаа до која вашите податоци се уште беа на вашиот смартфон. Кликнете Restore и тие би требало да се вратат на уредот.
Оваа функција ќе функционира само ако податоците на смартфонот се синхронизирани со оние на корисничкиот профил. Ако тоа не функционира, пробајте некои од решенијата како Android Recovery.