Заштитата на приватноста е се побитна, а заштитата на апликациите и корисничкиот налог во два чекори (лозинка, смс потврда, мејл, сигурносно прашање, код…) ќе ви овозможи корисничкиот налог да остане само ваш, дури и кога некој ќе се обиде да го компромитира. WhatsApp го додаде токму ова како опција за корисниците на iOS, Android и Windows Phone, oдносно Windows 10.
Новитетот кај WhatsApp овозможува верификација со шестоцифрен код, кој ќе го внесете секој пат кога го регистрирате бројот на телефонот во WhatsApp апликацијата по инсталацијата. За да бидете сигурни дека нема да го заборавите кодот (дури и ова да се случи) на располагање ви е ресетирање на мејлот, за што е потребна (логично) валидна мејл адреса.
За да ја активирате заштитата во два чекори, следете ги овие подесувања: Settings >Account >Two-step verification >Enable, а потоа внесете ги шестоцифрениот код и вашата мејл адреса.
Наш совет е заштитата во два чекори да ја активирате во сите апликации на кои оваа опција е достапна, поради ваша лична сигурност.
