Додека социјалните мрежи се борат со проблемот зачувување на приватноста, Instagram воведе нова опција наречена „блиски пријатели“.
Секоја фотографија или видеоклип што сакате да ги додадете на вашето Story сега ќе може да ги пратите во групата „Блиски пријатели“ со избирање на новововедената опција Close Friends.
На тој начин објавата ќе може да ја видат само вашите блиски пријатели кои ќе знаат дека гледаат Story за ограничена публика бидејќи вашата фотографија ќе има зелена рамка во нивниот Feed.
Instagram ќе им предлага на корисниците кои следбеници да ги стави во групата Блиски пријатели, но ќе можете и рачно да додавате луѓе во таа листа.