Покрај заштитата на кожата од сонце во лето, и косата треба да добие дополнителна нега и заштита од сончевите зраци и морската вода. Покрај козметичките производи достапни во дрогериите, имајте ги предвид и класичните масла, како и домашните рецепти за нега.
По капењето во морска вода мора да ја измиете косата со слатка вода бидејќи солта ја суши косата. Ако не ја измиете косата веднаш по пливање и ја исушите на сонце, веднаш ќе ви испукаат врвовите.
По шампонирањето нахранете ја косата со богата и квалитетна маска, а ако имате подолга коса, ставете и ампула наменета за оштетена коса, на пример со арганово масло. На плажа носете шешир или марама за коса за дополнителна заштита на косата.
Можеби ви звучи дека е ова е многу време за дополнителни активности, но неколку минути ќе значат многу за вашата коса.
Домашен рецепт што може да го користите за нега на косата во лето е следниот шампон со масла. Имајте го предвид вашиот тип на коса кога ја правите мешавината. Ако имате тенка коса ќе ви треба само ¼ кокосово масло, а оние со погуста или посува коса може да го зголемат соодносот или да додадат и масло од авокадо или семка од кајсија.
Потребни состојки:
1 шолја течен природен сапун од маслиново масло (побарајте го во аптека)
1/3 шолја кокосово млеко од конзерва
1/3 шолја кокосово масло
50-60 капки од вашето омилено есенцијално масло за убав мирис на шампонот (лаванда, портокал, пеперминт, лимонова трева).
Стопете ги кокосовото масло и млеко заедно на тивок оган за да не ги оштетите главните состојки. Истурете ја течноста во шише со капаче, заедно со течниот природен сапун од маслиново масло и добро протресете го. На крај додадете го есенцијалното масло во капки и повторно промешајте. Имајте предвид дека шампонот нема да биде густ како вообичаените шампони.
