Живот

Како да направите баланс помеѓу работата и љубовниот живот?

23. август 2019 - 16:57 | М.С.

Доколку сте во врска или во брак, бидете свесни за тоа дека постојано мора да вложувате поддршка, внимание и нежност. Не заборавајте каква е љубовта на почетокот и дека сте го одбрале вашиот сопатник низ животот. Најдете начин да ја одржите љубовта, иако секојдневно имате безброј обврски.

Еве што може да ви помогне:

Поставете граници на работа 

Мора да научите да кажете не, кога тоа е неопходно. Доколку сте свесни дека поради некој одложлив проект ќе се задржите подолго, тогаш едноставно оставете го, а работата завршете ја наредниот ден. 

Ограничете го времето кое го поминувате одговарајќи на пораки

За време на викенд, земете си одмор. Кога ќе пристигнете дома, искористете го слободното време со партнерот. Исклучете ги известувањата на телефонот и едноставно уживајте заедно.

Раскажете си како ви поминал денот

Можеби вашиот партнер не може да ви помогне да ги решите проблемите на работа, но секако може да ве разбере и да ви помогне да се ослободите од непотребниот стрес.

Прегратката значи многу

Тоа е одличен начин да покажете некому дека е сакан/а и да направите убаво да му започне денот.

Коментирај