Често не знаеме од каде да почнеме да ја чистиме кујната.
Затоа, тиктокерката Шантел Мила, откри зошто е важно редовно да ги чистите фрижидерот и мијалникот и сподели три најдобри совети како да ги одржувате чисти.
Исчистете го фрижидерот
Пластичните полици и фиоки во фрижидерот често се покриени со лепливи остатоци и дамки. Потребни ви се само три состојки за да ги отстраните овие несакани дамки и фрижидерот да заблеска. Измешајте еднакви делови вода и алкохолен оцет со 2 лажици екстракт од ванила во шише со распрскувач, а потоа употребете го овој раствор по целата површина на фрижидерот. Избришете го со крпа и толку.
Нека светне и мијалникот
Откако ќе се ослободите од садовите и остатоците од храната што се насобрале во мијалникот, ќе сакате да ја осветлите површината. Шантел препорачува да нанесете бебешко масло на мијалникот. Масните својства на производот ќе направат сјајот да трае подолго од обичното средство за садови.
Ослободете се од мирисите
Иако вашиот фрижидер изгледа чист, понекогаш има долготрајни мириси од кои едноставно не можете да се ослободите. За да спречите создавање на непријатни мириси, Шантел советува искористениот талог од кафе да го ставите во мал сад или шолја и да го ставите во фрижидер. Азотот во кафето помага брзо и безбедно да се неутрализираат мирисите во воздухот.
