Останати спортови

Како да се спречат фатални повреди во боречки спортови?

27. јули 2019 - 12:29 | А.С.

Чејл Сонен реши да зборува за неодамнешната смрт на боксерот Максим Дадашев по неговата борба со Порториканецот Субриел Матијас.

Сонен, поранешен американски ММА борец кој моментално работи како аналитичар на ММА настани за ESPN, реши да ја обработи темата на фатални повреди во боречките спортови во новата епизода на Beyond the Fight.

Неговата анализа беше објавена истиот ден кога уште еден боксер почина од последици претрпени од удари во текот на меч. По Максим Дадашев, почина и аргентинскиот боксер Уго Алфредо Сантилјан.

Младиот боксер минатата саботата имаше борба, а по неколку дена почина од последиците зададени од ударите во текот на борбата. Минатиот викенд тој се бореше со Едуардо Хавиер Абрео, а мечот заврши нерешено.

Во текот на борбата тој крвавеше, а потоа се онесвести во текот на прогласувањето победник и не се разбуди од кома. По борбата имаше две операции на мозокот поради згрутчување, но на крајот почина. Имаше само 23 години, а во кариерата постигна 19 победи, 6 порази и 2 нерешени борби.

Коментирај