Лука Модриќ синоќа во Лондон го доби најпрестижното признание во кариерата - наградата за најдобар играч на светот.
Во конкуренција за оваа награда, покрај капитенот на хрватската репрезентација, се најдоа уште и Кристијано Роналдо и Мохамед Салах.
Португалецот не се појави на доделувањето на наградите, иако е избран во најдобриот тим на годината.
Гласаа селектори и капитени на репрезентации, новинари и навивачи, а Модриќ славеше пред капитенот на португалската репрезентација и својот поранешен соиграч од Реал Мадрид, а сега член на Јувентус, Кристијано Роналдо, односно пред напаѓачот на Египет и Ливерпул, Мохамед Салах.
Во однос на гласовите, капитенот на Аргентина, Лионел Меси, најмногу поени му даде токму на Модриќ, додека Кристијано Роналдо гласаше за Французинот Рафаел Варан, кој беше неговиот прв избор за играч на годината.
Модриќ победи со 29,05 отсто од гласовите, додека Роналдо беше втор со 19,08 отсто.
Португалецот, како што веќе споменавме, не се појави на свечената церемонија во Лондон, исто како и на 30 август во Монако, кога Модриќ беше прогласен за најдобар фудбалер во Европа, во изборот на Европската фудбалска федерација (УЕФА).
Модриќ и тогаш славеше пред Роналдо и Салах.
Од Јувентус од претходно порачаа дека никој од нивниот тим нема да присуствува во Лондон, бидејќи е прекратко времето до нивниот следен натпревар во рамките на Серија А.
Во прилог погледнете како гласаа Кристијано Роналдо и Меси, како и останатите капитени на репрезентациите:
