Се сеќавате ли на детето од Индонезија кое пушеше по две кутии цигари на ден? Во 2010 година светот дозна за малечкиот Арди Ризал од Индонезија, кој на двегодишна возраст пушеше по 40 цигари на ден. Шест години подоцна, по многу рехабилитации, за Арди може да се каже дека живее нормален живот.
Случајот за малиот Арди стана интернет сензација од погрешни причини. За среќа момчето успеа да ја надмине зависноста од никотин и сега живее нормално.
Шокантните фотографии и видеа од двегодишното момче од сиромашно село во Суматра, Индонезија како пуши цигари за прв пат беа објавени во 2010 година.
Мајката Дајана тогаш изјави дека детето пушело по 40 цигари на ден. Поради развој на зависност на многу рана возраст владата на Индонезија го испратила Арди на посебна програма за одвикнување од никотин.
Но, подоцна детето станало зависно од брза храна, една зависност била заменета со друга. Веднаш бил ставен на различни диети со свежо овошје и зеленчук, а на крајот успеал и со ова да се избори.
Денес, Арди живее како здраво дете, со нормални навики, пишува Inquisitr.