Кипранецот се бунеше зошто добил црвен, а Русите на Twitter му испратија фотка да го види одговорот.
Во 28-мата минута од дуелот во Никозија, домашниот играч Константинос Лаифис направи тотално непотребен остар старт со отворен ѓон над Сергеј Петров.
Главниот судија Срѓан Јовановиќ од Србија без двоумење му покажа директен црвен картон, а Лаифис дури и се бунеше на судиската одлука сметајќи дека фаулот не бил толку опасен.
Петров со помош на лекарскиот тим го напушти теренот, кратко потоа се врати во игра пробувајќи да продолжи да игра.
Сепак Русинот не можеше да го продолжи натпреварот и во 37-мата минута беше заменет со Вјачеслав Каравајев, кој пак дебитираше.
А колку навистина беше опасен говорат доказите на ногата на Петров. Сликата на Twitter ја објави Рускиот фудбалски сојуз на која убаво се гледаат трагите од крампоните на Лаифис.
Додека Лаифис беше на терен Русите водеа со 2:0, а потоа постигнаа уште три гола за убедлива победа.