Instagram профилот Rich Russian Kids секојдневно се збогатува со нови фотографии во кои богатите руски деца се фалат со скапи автомобили, скапа облека, а се фотографираат и со оружје за кое велат дека е нивно, пишува Daily Mail.
Можеби Путин ова не би го одобрил, но во Русија децата на олигарсите постојано се фалат на социјалните мрежи со престои во хотели со пет ѕвезди, приватни авиони со кожни седишта, луксузни вили, јахти и слично. Еден младич од Чеченија, познат како Мансур Верона, објави фотографии од Rolls Royce пред јахта во Кан. Фотографиран е и со оружје, а во една од фотографиите држи Калашников.
Ваквите фотографии претходно го налутија Путин, кој е против покажување на богатството на оние еден проценти богаташи, додека повеќето Руси одвај сврзуваат крај со крај.