Претставниците на ревизорската компанија „Pricewaterhouse Coopers“, одговорна за пребројувањето на гласовите и доставувањето на златните коверти на свеченоста на доделувањето на најпрестижните филмски накради – Оскарите, изразија длабоко жалење поради хаосот кој го предизвика погрешното прогласување на годинешниот добитник на наградата во категоријата за најдобар филм.
„Презентерите по грешка добиле погрешни коверти со имињата на наградените, а кога тоа беше утврдено грешката веднаш исправена“, се наведува во соопштението на PwC објавено на Twitter.
„Веднаш започнавме да истражуваме како дојде до оваа невообичаена ситуација и длабоко жалиме што то се случи. Извонредно ја цениме добронамерноста со којашто номинираните, презентерите, Академијата, телевизијата ABC News и домаќинот на вечерта Џими Кимел ја решија ситуацијата“, се додава во соопштението.
Во текот на свеченоста на доделувањето на Оскарите на крајот се случи еден невообичаен момент кога Феј Данавеј и Ворен Бити, за најдобар филм го прогласија „Ла Ла Ленд“. Бити подоцна се обиде да објасни дека му дале погрешен коверт.
Целата екипа на споменатиот филмски мјузикл, кој имаше многу номинации, а претходно собра бројни награди во светот, започнаа да се заблагодаруваат, кога беа предупредени дека добитник на оваа награда е всушност филмот „Месечева светлина“. Еден од продуцентите на „Ла Ла Ленд“ изјави дека му било чест што статуетката, за кој веќе верувал дека е негова, им ја врачил на пријателите од „Месечева светлина“.
А „Ла Ла Ленд“, освои шест Оскари, и тоа за режија, главна женска улога, фотографија, музика, песна и сценографија.
