Прво да ви го честитаме роденденот, а потоа да ви „ѕирнеме во душата“...
Сите што се родени на 29 февруари, без разлика во која година, се посебни - имаат привилегија да го слават роденденот кога сакаат!
Сепак, животот не им е лесен. Тие се толку чувствителни што често мислат дека целиот свет се свртел против нив. Не, драги наши сонувачи, тоа не е вистина!
Вие сте уметнички души и мора да сметате на фактот дека не сите на оваа планета се опуштени како вас.
Хедонизмот е вашето второ име и нека остане така - уживајте во сè што ви нуди животот. Музиката и филмот се нешто без кое не можете да живеете, како и добра храна и пијалок.
Па, тука може да настане проблем - склони сте кон пороци, па ви треба некој да ви ги брои чашите и грицките. Дали е така? Бидете искрени...
А љубовта за вас е еден вид уметност – уметност на размена на емоции. Иако, понекогаш сте толку опуштени што партнерот може да се посомнева дека сте се оладиле. Размислете за тоа.
На работа сте вредни и одговорни, но уметникот во вас знае да се опушти и да се оддалечи од планот и програмата поставени од претпоставениот. Затоа е подобро секогаш да имате газда отколку да сте оставени сами на себе – некој секогаш мора да ве контролира и да ве врати на вашите приоритети кога е работата во прашање.
Парите ви се лизгаат низ прсти, што се очекува од уметниците и сонувачите, но тоа не значи дека не знаете како да ги заработите. О да! Добри сте во тоа, но уште подобро ги трошите. Треба да научите да штедите.
Но, мора да научите повеќе да се грижите за вашето здравје, особено ако пушите. Движете се малку, прошетајте, ако веќе не сакате да се занимавате со спорт или рекреација. Седењето е вашиот најголем непријател.