Американскиот рапер Канје Вест, кој пред една седмица беше хоспитализиран во Лос Анџелес по сериозниот нервен слом, вчера бил пуштен од болницата.
Според TMZ, Канје Вест излегол од болница во придружба на неговата сопруга Ким Кардашијан и неговиот личен лекар.
Еден од изворите на TMZ тврди дека на раперот сè уште му е неопходен третман, вклучително и помош од психолог. Причината за неговото хоспитализирање, според написот, бил сериозен нервен слом. Претходно тој страдал од сериозен недостиг на сон, вознемиреност и се соочувал со силен стрес работејќи на неколку проекти.
Според сознанијата на TMZ, раперот првично упорно го одбивал третманот. Весникот The Los Angeles Times пишува дека непосредно пред да биде однесен во болница Вест бил инволвирана во тешка кавга, но поединости за инцидентот не се наведуваат.
Пред хоспитализирањето, музичарот во својот провокативен манир јавно ги критикуваше Бијонсе и Џеј-Зи, а изрази поддршка за новоизбраниот американски претседател Доналд Трамп.