Само една година и пол по раѓањето на принцезата Шарлота, војвотката Кетрин повторно е бремена. Веста за третата принова на Кејт Мидлтон и принцот Вилијам прв ја објави магазинот Life and Style Weekly.
„Кејт Мидлтон очекува трето дете“, пишува магазинот, а веста за приновата во кралското семејство засега не ја потврдиле нејзините членови, ниту од Кенсингтонската палата.
Како што пишува магазинот, веста не ја воодушевила сестрата на Кејт, Пипа Мидлтон која смета дека уште едно кралско бебе ќе ја засени нејзината скорешна венчавка.
„Пипа е загрижена дека бременоста на Кејт ќе го засени нејзиното венчавање. Таа очајно сака фокусот да биде на неа, а не на трудничкиот стомак на нејзината сестра“, изјавил изворот на магазинот.
Поради ова постои можност Пипа да го одложи венчавањето се додека на свет не дојде третото бебе на Кејт и Вилијам.
Новата бременост донела и нови проблеми за војвотката. Според пишувањата на светските таблоиди Кејт има четириесетина килограми, а причината за тоа се проблемите во бременоста.
Кејт не јаде доволно поради што изгубила многу килограми. Поради грижата околу ќерката, нејзината мајка Карол Мидлтон се пресели на кралскиот имот за да може заедно со Вилијам да се грижат за неа и за нејзината здравствена состојба, за бременоста да помине во најдобар ред.