Kia го претстави моделот Stinger со кој сака да влезе во сегментот на спортски лимузини со погон на задните тркала.
Пет години по претставувањето на концептот со кој најавија дека ќе развиваат спортски седан, корејската компанија ја претстави сериската верзија на Stinger.
Автомобилот е подолг и поширок од конкурентите во класата во која припаѓа, а ќе се продава на европскиот и на американскиот пазар. Тој ќе се нуди и со погон на сите четири тркала, но и во таа ситуација поголемиот дел од силата ќе се пренесува на задната оска.
Основниот мотор во понудата е 2.0 литарски турбо бензински мотор кој има 4 цилиндри кој има речиси 260 коњски сили, а достапен ќе биде 3,3 литарскиот V6 мотор кој располага со 370 коњи што го лансира автомобилот од 0-100 километри на час за само 5,1 секунди.
Во опцијата со V6 мотор доаѓаат и Brembo сопирачки, мултилинк задна амортизација, како и одличен Harman/Kardon аудио систем.
Без оглед на моторот, Stinger за пренос на силата ќе користи 8-степен автоматски менувач, а мануелниот менувач не се спомнува.
