Авионот, кој засега непознато лице или лица го грабнаа на летот меѓу египетските градови Александрија и Каиро утрово, бил присилен да слета на аеродромот во Ларнака на Кипар.
Министерството за надворешни работи на Кипар и воздухопловната компанија Egypt Air“ го потврдија грабнувањето на авионот од типот „Airbus 320“ на летот МS 181 од Александрија за Кипар, со 51 патници и 7 членови на екипажот.
Според досегашните сознанија, неидентификуван маж им се заканил на пилотот и на патниците, дека ќе активира појас на бомбаш самоубиец, доколку не бидат исполнети неговите барања, пишува порталот El- Balyad. Капетанот успеал да му каже на диспечерот во Каиро, дека авионот е грабнат и ќе биде пренасочен кон Кипар.
Во моментов кипарските власти водат преговори со киднаперот на авионот, но засега не се познати неговите барања.
Засега, исто така, не е позната националноста на патниците во грабнатиот авион.