Ким Џонг Ун на состанокот на Централната воена комисија одлучи да бидат суспендирани сите планови за воена акција против Јужна Кореја, пренесе Reuters.
Тензичните односи меѓу двете земји пораснаа во последно време откако некои јужнокорејски групи најавија дека ќе покренат пропагандна акција со испраќање летоци на север.
Една јужнокорејска група во текот на минатата ноќ во Северна Кореја од пограничниот град Падџу испрати 20 огромни балони со 500.000 летоци, 2.000 банкноти од еден долар и мали книги за Северна Кореја, пренесе AP.
Сеул најави правна акција против таа група поради загрозување на националната безбедност.
Пјонгјанг акцијата ја оцени како кршење на договорот меѓу двете земји за непреземање акции кои би можеле да доведат до воена конфронтација и одговори така што постави 20 звучници преку кои ќе се емитува пропаганден материјал при границата со Јужна Кореја.