Резултатите од обдукцијата покажаа дека Ким Јонг-нам, полубратот на севернокорејскиот лидер Ким Јонг-ун, умрел 15 до 20 минути по смртоносниот напад со агенсот VX, соопшти владата на Малезија.
Според снимките од надзорните камери Кон Јонг-нам бил отруен од две жени кои на 13 февруари му го испрскале лицето со хемискиот агенс на меѓународниот аеродром во Куала Лумпур, од каде што требал да отпатува во Макао.
Ким им се обратил за помош на аеродромските службеници, кои според неодамна објавените снимки го одвеле до аеродромскиот стационар, но починал на пат до болницата.
Само 10 милиграми од оваа супстанција е потребно да се апсорбира за да стане смртоносна.
Претходно беше објавено дека полицијата уапсила две жени за убиството на Ким Јонг-нам, 29-годишна државјанка на Виетнам и 25-годишна државјанка на Индонезија, а потоа и 26-годишен државјанин на Малезија, кој бил во врска со Индонезијката.
