Од 1 октомври 1949 година, со Кина владее само една партија- Комунистичка партија.
Партијата ја води земјата од ерата на Мао до денес, во кое Кина стана светска економска сила, но, на тој пат не толерира никаква опозиција, а секое поинакво мислење се смета за државен удар.
Народната Република Кина слави 70- годишнина од основањето, а BBC анализира каква е улогата на партијата.
Де факто еднопартиска држава.
Водечката улога на партијата е запишана во Уставот и додека формално постојат неколку помали партии, сите се должи да ги почитуваат комунистите. Под водство на основачот Мао Це Тунг (Мао Ѕедонг) партијата спроведуваше строг, тоталитарен социјализам. Но, после смртта на Мао во 1976 година, земјата полека почна да се развива благодарение на реформите на Денг Сјаопинг. Актуелниот претседател Сји Ѓинпинг на власт дојде во 2012 година и за време на неговиот мандат Кина стана светска сила.
Пирамида која ја контролираат од врвот
Околу седум проценти од населението во Кина е зачленето во партијата. Припадност кон партијата е предуслов доколку граѓаните сакаат да напредуваат во кариерата- без разлика дали станува збор за политика, бизнис или во сфера на уметноста.
Доколку некој се изрази несовесно, или каже било што против партиските начела, мора да се извини јавно, за да избегне казна или да биде прогонет.
Системот функционира така што партиските организации бираат претставници за повисоко ниво. Во националниот партиски конгрес ги бират членовите на централниот комитет. На самиот врв е претседателот Сји Ѓинпинг.
Контрола над сите институции
Комунистичката партија има контрола над сите државни тела во републиката, вклучително и на војската и полицијата. На врвот е политичкото биро кое се грижи за партијата, а истовремено ги контролира трите важни тела:
1. Државниот совет
2. Централната воена комисија
3. Парламентот
Цврста рака
Политичката партија не толерира поинакво мислење. Не постојат опозициски партии и оние кои ја критикуваат власта ризикуваат да бидат прогонети од државата.
Нема знаци дека репресијата кон оние кои се дрзнуваат да проговорат против власта ќе престане. Во владеењето на Сји, кршењето на човековите права станаа уште побројни.
Од казните не се поштедени ниту високите партиски функционери. Бо Силаи, поранешен влијателен лидер на регионалната партиска организација, пред 6 години беше осуден за корупција и доби казна доживотен затвор.
Кинеската власт тврди дека ги почитува човековите права, а се брани дека искоренувањето на сиромаштијата е поважно од индивидуалната слобода.
Власта ги контролира медиумите и интернетот, вклучувајќи ги и социјалните мрежи. Пристапот до Facebook е ограничен.
Цврста контрола на медиумите ѝ помогна на партијата да задржи висок рејтинг на јавното мислење.
