Стил

Кина победи на изборот за Мис на светот 2012

18. август 2012 - 17:28 | М.Т.

Претставничката на Кина, Венксиа Ју, е овогодинешната убавица која е крунисана со титулата Мис на светот. Ју ги победи претставничките од останатите 115 земји учеснички и практично беше крунисана дома, бидејќи изборот се одржуваше во Кина.

Претставничките на вкупно 116 земји кои учествуваа на изборот беа на подготовки во Кина речиси еден месец. Кина инаку досега пет пати го има организирано натпреварувањето за Мис на светот.

Венксиа ја доби титулата и покрај тоа што претставничката на Индија, Ванја Мишра, важеше за најголем фаворит за круната. Прва придружничка на Ју е претставничката на Велс, додека втора придружничка е претставничката на Австралија.

Ова е втор пат Кина да ја добие оваа престижна титула, откако нивна претставничка победи и во 2007 година.

Коментирај