По принудното слетување на авионот на Egypt Air со 81 патник, на релација од Александрија за Каиро, киднаперот со експлозив на себе ги ослободил скоро сите патници. Во авионот сега се наоѓаат екипажот и четворица непознати лица.
Идентитетот на киднаперот не е познат ниту по преговорите со полицијата, кога одлучи да ги ослободи скоро сите патници освен четири непознати лица и членовите на авионскиот екипаж.
Авионот Airbus A320 слета во Кипар со 80 патници и членови на екипажот. Веднаш по слетувањето киднаперот побара скали за излез од авионот по што децата и жените беа ослободени. Неговото следно барање било никој друг да не се приближува до авионот, особено не припадниците на војската и полицијата.
Според непотврдени информации, од авионот киднаперот испратил најмалку четири страници со текст напишан со арапско писмо, упатен до непозната личност.