Менаџерот на Ливерпул, Јирген Клоп, повика на подобрување на ВАР системот и ефикасно донесување на одлуки од страна на судиите.
Германецот на конференцијата на УЕФА во Нион, ја пофали работата на ВАР, иако смета дека технологијата мора да се подобри бидејќи има недостатоци.
„ВАР може да напредува, но нема да биде 100% точен, сите го знаат тоа. Постојат некои работи кои не се во ред. ВАР треба да се подобри во делот на одлучување за офсајд и играње со рака. Има неколку добри идеи од УЕФА за тоа како да се справиме со ова. Значи, сите работат на подобрувањата“, изјави Клоп.
Харизматичниот фудбалски стручњак смета дека УЕФА има идеја како да го реши проблемот.
Видео технологијата е воведена за да им помага на судиите при спорни ситуации. Тие по прегледување на снимката можат да ја променат првичната одлука.