Бизнис

Книгата на Сноуден оди како алва, САД гневни, го тужат

18. септември 2019 - 10:54 | Ф.З.

Во текот на вчерашниот ден Едвард Сноуден ја пушти во продажба својата книга „Permanent Record“ која е всушност мемоари за неговата работа во НСА. Властите во САД се гневни на тоа, поднесоа тужба и бараат сите приходи од продажбата да одат кај нив.

Сноуден во целиот свет е херој, но во САД и натаму го бараат за да му судат поради издавање државни тајни. Тој во 2013 објавувајќи тајни документи го откри масовното американско прислушување на комуникации во целиот свет, а потоа мораше да бара азил во Русија, каде живее и денес.

Од Министерството за правда на САД соопштија дека веќе е покрената тужба против Сноуден бидејќи ја објавил книгата без претходно да ја достави на преглед, со што ги прекршил договорите потпишани со Националната агенција за безбедност (НСА) и Централната разузнавачка агенција (ЦИА).

Тужбата покрај за Сноуден е покрената и за издавачките куќи Macmillan Inc. и Holtzbrinck како соучесници.

Книгата од вчера им е достапна на читателите во дваесетина земји во светот. Како што и се очекуваше, интересот е голем, книгата веднаш почна брзо да се продава.

Целосната тужба можете да ја преземете кликнувајќи тука.

Коментирај