Кошарка
ФИБА СВЕТСКО ПРВЕНСТВО КИНА 2019

Коби Брајант ги брани кошаркарите на САД: Остатокот од светот е опседнат со нас

14. септември 2019 - 13:56 | Ф.З.

Големите очекувања од дрим тимот според Коби се производ на тоа што светот е опседнат со тоа дека Американците мора секогаш да доминираат.

„Не е работа остатокот од светот да ги достигне САД. Работата е што веќе некое време остатокот од светот е премногу опседнат со САД. Дојдовме до време кога ние знаеме да победиме, но знаеме и да загубиме натпревари. И тоа е нормално“, вели славниот Коби.

„Одлична кошарка играат Франција, Србија, Аргентина. Едноставно се игра одлична кошарка. Ние ќе мора да се извадиме со нашиот нареден тим, наречете го „Тим 2 за искупување“ или како сакате. Без разлика каков ќе биде тимот, нема да биде воопшто лесно“.

„Се сеќавам на првиот „Тим за искупување“ кога ни требаше една неверојатна последна четвртина за да ја победиме Шпанија. Тоа беше маестрален тим. И покрај таквиот тим сепак ни беше потребен невиден напор за да дојдеме до златото преку Шпанија“, додаде Брајант кој тогаш покрај себе ги имаше Леброн Џејмс, Двејн Вејд, Крис Бош, Крис Пол, Џејсон Кид и Кармело Ентони. Тоа беше финалето на Олимпијадата 2018 во Пекинг.

„Пратете ти најдобрите играчи кои мислите дека може да го направат најдобриот можен тим на САД и повторно ќе имаме проблеми. Нема да биде прошетка. Деновите како во 1992 во Барселона кога газевме се минати“, заврши Брајант осврнувајќи се на времето кога дрим тимот немаше достоен ривал.

Коментирај