Kodak е компанија која има голема историја, но нема многу влијание во модерниот свет на фотографијата. Желбата да го промени тоа ја покажува преку својот нов смартфон Ektra кој е фокусиран на камерата.
Името е инспирирано од фотоапратот од 1941 година, а самиот смартфон во голема мера потсетува на фотоапарат. Задниот дел е од вештачка кожа со ергономски дел за лесно држење, и копче за сликање на горната страна. Во средниот дел е поставена Sony камерата со 21 мегапиксел.
Kodak се надева дека со овој смартфон ќе го привлече вниманието на вљубениците во фотографијата, но проблемот е што многу производители веќе имаат паметни телефони со слични можности.
Апликацијата за камерата има Scene Selection Dial која овозможува избор на неколку модови како Manual, Landscape, Sports и Macro, а главна апликација за средување на фотографиите е Snapseed.
Смартфонот има MediaTek Helio X20 процесор, 3 GB RAM и 32 GB интерна меморија, а системот се напојува од батерија со 3000mAh која подржува брзо полнење.
Екранот од 5 инчи има 1080p резолуција, а смартфонот работи на Android Marshmallow.
Продажбата треба да стартува во декември по цена од 499 евра.
[jw: https://www.youtube.com/watch?v=Z5hyZE_lBG0]