Има многу митови поврзани со сексот и сексуалното уживање, а еден од нив е дека адолесцентите имаат најлуд секс, а средовечните луѓе најздодевен.
Меѓутоа, истражувањата го докажуваат токму спротивното. Имено, луѓето на 50-тина години имаат најзабавен секс и најмногу уживаат во сексот!
Ова го потврдуваат и резултатите од анкетата што ја спроведе порталот Trojan во која учествуваа 2.400 луѓе на возраст од 40 до 59 години.
Речиси две третини од луѓето опфатени во анкетата рекле дека уживале во последното сексуално искуство и дека редовно имаат сексуални односи.
Дури 63% од испитаниците додале дека на таа возраст се чувствуваат најопуштено и повеќе сакаат да експериментираат отколку кога биле десет години помлади.
„Постои верување и перцепција дека со годините сексот станува сѐ помалку важен, помалку пријатен и генерално поредок“, вели доктор Робин Милхаузен, кој учествуваше во истражувањето.
Во едно поново истражување на компанијата Lumen, се открива дека луѓето на 50-тина години одлучуваат да имаат секс со нов партнер во првите три состаноци.
Според ова истражување, на 50-тина години сексот трае околу 25 минути и се менуваат три пози, од кои најчеста е мисионерската.
