Компанијата JATO Dynamics објави листа на најпопуларните автомобили во светот за 2016 година кои се базирани врз основа на податоците за продажба од 52 светски пазари. Според нивните податоци, најпродаван автомобил во светот во 2016 година бил камионетот на Ford од F-Series, додека на второто место е Toyota Corolla. Неприкосновениот европски лидер - VW Golf се наоѓа на третото место во светот.
За светската автомобилска индустрија 2016 година беше успешна со 5,6 проценти повеќе продадени автомобили од 2015 година, а најмногу автообили се продадени во Кина односно дури 25,53 милиони возила.
На второ место се САД со 17,55 милиони возила, а на третото место е Јапонија со 4,90 продадени автомобили. Германија е на четвртото место со 3,6 милиони додека, Индија е на 5-тото место со 3,32 ново регистрирани автомобили.
Најпродаван автомобил во светот е Ford F-Series благодарение на купувачите во САД, а продадени се 986.660 примероци од овој камионет.
Во светски рамки се испорачани 952.576 примероци на Toyota Corolla, а Volkswagen Golf е продаден во 859.845 примероци, од кои повеќе од половина се за европскиот пазар.
Меѓу најпродаваните автомобили во светот се и Nissan X-Trali, Hyundai Elantra, Ford Focus, Honda HR-V и Honda CR-V, како и Toyota RAV4.
