Листата на најпродавани автомобили на европскиот пазар во 2015 година, не се различува многу во однос на 2014 година, а тоа особено се однесува на првите шест места.
Volkswagen Golf со години е убедливо најпопуларен автомобил во Европа, а оваа година се продадени 533.584 промероци. На второто место се наоѓа Ford Fiesta со 314.432, а на третото место и понатаму е Renault Clio, кој во 2015-та стигна до 305.305 европски купувачи.
Редоследот на следните три места исто така е непроменет - VW Polo, Opel Corsa, Ford Focus, а позитивно изненадување беше Nissan Qashqai, единствениот јапонски модел во првите десет, чија продажба во 2015 скокна за дури 14 проценти што беше доволно за да заврши на седмото место.
Убедливо најголем раст на продажбата според процентите, има VW Passat. Продажбата на лимузината од средната класа на Volkswagen се зголеми за дури 49 проценти споредено со 2014 година, што беше доволно за враќање меѓу првите 10 најпопуларни автомобили.
Интересно е што меѓу првите 20 има само два азиски модели, покрај Nissan Qashqai, тука е уште моделот Toyota Yaris.
FIAT суверено владее во сегментот на млади градски автомобили, па на листата се и моделот 500 и моделот Panda, а интересно е дека и Škoda се избори за две позиции во првите 20 и тоа со моделите (Octavia i Fabia).