Една од најчестите причини поради кои луѓето јадат органски производи е тоа што сакаат да ги избегнат штетните хемикалии кои се употребуваат во масовното производство.
Пестицидите во повеќе истражувања се поврзани со бројни здравствени проблеми, а многу се карактеризирани како канцерогени материи кои го слабеат ендокриниот систем.
За да им помогнат на потрошувачите да одберат најмалку „прскани“ намирници, непрофитна Работничка група за зачувување на животната средина во САД објави листа на производи кои се најмногу подложни на пестициди.
Листата е составена врз основа на податоци добиени од Министерството за земјоделство на САД.
Храна што содржи најмногу пестициди се јагодите, на кои после миење на плодот остануваат уште околу 20 пестициди, значително повеќе во однос на останатите производи.
На второ место е спанаќот, а по количината на пестициди овде се издвојуваат уште и јаболката, грозјето, кајсиите, вишните, крушите, доматите, целерот, компирите и пиперките.
