Едно истражување спроведено од една американска туристичка агенција, издвои 10 европски градови кои нудат најинтересни содржини за посетителите. Европа има многу интересни градови богати со историја и култура, како што се Лондон, Париз, Венеција, Виена, Барселона, Истанбул, Рим, Амстердам и Атина.
Сепак, ниту еден од овие градови не е на првото место на листата, според која најзабавен град во Европа е - Берлин.
Запален, бомбардиран, изолиран од остатокот од светот, Берлин во текот на својата турбулентна историја, постоано се обновуваше, растеше и успеваше да биде вистински трендсетер во уметноста, кулинарството и забавата.
Иако секој од градовите на листата има богата, интересна и шарена културно-историска приказна, она по што е издвоен таканаречениот „европски Њујорк“ се бројните содржини и знаменитости кои го одземаат здивот, како и жителите кои ги полнат градските улици со многу слободни уметници и креативци што одбиваат да работат во канцеларија.
Покрај бројните знаменитостите, како Берлинскиот ѕид, споменикот на Евреите убиени во Втората светска војна и стаклената купола на Рајхтагот, Берлин е и одлична дестинација за пивопијците, како и за гурманите кои можат да уживаат во разните деликатеси што ги нуди градот.