Електричните автомобили полека, но сигурно ги освојуваат пазарите, благодарние на забрзаното кревање на јавната свест за последиците од загадувањето на животната средина, како и намалувањето на природните ресурси.
Овие возила за еколошки освестените купувачи нудат еколошки безбеден начин на транспорт, но исто така пружаат врвно искуство во поглед на автомобилските перформанси.
Кога е во прашање брзината, има модели што се издвојуваат од понудата. На листата најбрзи електрични автомобили се најдоа модели на Tesla, Audi и Jaguar, а „најбавен“ меѓу нив е основната верзија на Tesla Model 3 што забрзува за 5,6 секунди од 0 до 100 км/ч.
Пред неа се Audi e-Tron SUV со 5,5 секунди, Model 3 Standard Range Plus со 5,3 секунди и Model 3 Long Range со 4,5 секунди.
Исто забрзување има и првиот електричен модел на Jaguar, SUV возилото I-Pace, а пред него е Model X Long Range кој од 0 до 100 км/ч стигнува за 4,4 секунди.
Доминацијата на Tesla ја потврдуваат Model S Long Range со 3,7, Model 3 Performance со 3,2 и Model X Performance со забрзување до „стотка“ за 2,7 секунди.
Шампион во забрзување меѓу електричните модели е Tesla Model S Performance - потребни му се само 2,4 секунди да стигне од 0 до 100 км/ч.