Автомобилите од SUV сегментот, за првпат со продажбата ги надминаа традиционално популарните компактни и мали градски автомобили на пазарот во Европа, објави JATO Dynamics.
Растот на популарноста на SUV моделите на европскиот пазар продолжи и во 2015 година, а вкупно се продадени 3,2 милиони вакви автомобили кои учествуваат со 22,5 проценти удел во пазарот. На второто место се компактните малите градски автомобили со 22 проценти, додека компактните патнички автомобили паднаа на третото место, со удел од 20,6 проценти.
Најголемиот раст на продажбата го имаат SUV моделите со средна големина, и вкупно се продадени 470.400 вакви возила. Сепак, најпродавани се компактните SUV модели кои се продадени во 1,28 милиони примероци.
Во поглед на брендовите, Европските купувачи биле најзаинтересирани за моделите на Nissan кој продал 376.000 автомобили, на второто место е Renault, а потоа следува Volkswagen.