Пешкирите кои секојдневно ги користиме се плодно тло за размножување на бактерии и габи. На нив се собираат мртви клетки од кожата, фекален и уринарен секрет, плунка, како и капки од wc шољата, што е сосема доволно за размислување колку често треба да биде нивната замена, односно перење.
Па, колку често треба да се менуваат пешкирите?
„Тоа зависи од тоа колку често ги користите. Доколку станува збор за пешкири за бришење на телото кои успевате целосно да ги исушите, пример на парно, не треба да ги користите повеќе од три пати”, вели патологот и микробиолог Филип Тиерно од њујоршкиот University School of Medicine.
„Малите пешкири кои ги користите за бришење раце би требало да ги перете почесто. Полесно стануваат нечисти бидејќи ги користиме неколку пати дневно, па треба да се менуваат секој ден. Доколку од нив се шири непријатен мирис, тоа е знак дека на нив се рзмножиле микроби и дека треба да се исперате”, вели Тиерно.
Објаснува дека пешкирите се идеално место за размножување на бактерии и габи, поради погодните услови за нивниот развој: вода, висока температура, кислород, храна и неутрален pH фактор., а човековото тело е идеален снабдувач на добри услови за размножување на микроби.
Кога го бришете вашето тело од вода, изумрените клетки од кожата остануваат на пешкирот. Тие се идеална храна за микробите кои влагата ги снабдува со вода и неутрален pH фактор.
При перењето во машина, треба да се одбере програмот со највисока температура на вода, бидејќи само така се уништуваат бактериите и габите.
Тиерно потсетува дека секое семејство треба да има посебен сет пешкири за тело, лице и раце и дека повеќе лица никако не смеат да делат ист пешкир.