Неименувана жена од сојузната држава Калифорнија издвоила поприлична сума на пари за да помине еден со фудбалската ѕвезда Кристијано Роналдо.
Таа одлучила да инвестира дури 32.000 евра за да биде во друштво на Роналдо, а Португалецот овие пари ќе ги инвестира во хуманитарни цели.
Со оваа сума Американката ќе добие нешто за што многумина сонуваат.
Ќе има прилика да помине 24 часа во друштво на најдобриот фудбалер на светот, постојано да комуницира со него и да престојува во тренинг – кампот на кралскиот клуб.
Исто така, ќе добие и две ВИП влезници за некој од домашните натпревари на „Кралевите“, за нејзиното задоволство да биде комплетирано.
Роналдо одлучил да организира хуманитарна акција во која оној кој ќе понуди најмногу ќе има шанса да се дружи со него во секојдневните активности.
На крајот Американката со понуда од 32.000 евра ја однела победата, а овие пари на крај ќе завршат некаде каде се повеќе потребни.
