LaFerrari е многу редок и скапоцен автомобил. Кога ќе се појави во огласите за продажба, што не е толку често, цената на користениот примерок се движи од неколку, па до десетици милиони долари/евра.
Меѓутоа, овие денови внимание привлече еден несекојдневен оглас на eBay, во кој на продажба се нуди, не автомобилот, туку V12 погонски агрегат од едно LaFerrari.
Моторот е ставен на продажба по цена од дури 335.000 долари.
За потсетување, Ferrari својот најскап модел го опреми со хибридно погонски систем, кој се состои од електромотори со сила од 163 ks и споменатиот 6.3 литарски V12 бензинец со дури 800 коњски сили.
Во овој случај, во понудата е вклучен само V12 агрегат, кој продавачот тврди дека е користен само 32 километри, а не е познато што се случило со автомобилот од кој овој мотор потекнува.
Ferrari вкупно изработи 710 примероци од моделот LaFerrari, од кои 500 во купе варијанта, а преостанатите 210 се со отворен кров.
Сите се веќе одамна распродадени.