Може да изгубите значителен број килограми со пешачење и намалување на внесот на калории, но за да имате трајни резултати, препорачливо е да не губите премногу калории.
Имено, за долгорочно слабеење треба да губите 1 килограм неделно, што значи дека идеално би требало да исфрлите од исхраната од 250 до 500 калории дневно и да согорувате од 250 до 500 калории дневно преку вежбање.
Половина килограм е приближно 3.500 калории. За да изгубите половина килограм неделно, ќе треба да го намалите внесот на калории преку диета и физичка активност за 3.500 до 7.000 калории.
За да одредите колку калории треба да внесувате дневно за да постигнете калориски дефицит, треба да одземете 500 калории од дневниот внес.
Според истражувањето на „Харвард“, човек од 70 килограми во просек согорува околу 300 калории за еден час пешачење, доколку му требаат околу 17 минути за да изоди 1,5 километар. Со таа тежина и темпо, за да изгубите половина килограм неделно, треба да пешачите 90 минути или повеќе дневно.
Најдобар начин да ги избегнете вишокот килограми е да ги исфрлите слатките пијалаци од исхраната бидејќи содржат голем број калории. Исто така, треба да ги намалите порциите од оброците и да ја замените преработената и мрсна храна со поздрава храна.
Покрај тоа, многу е важно да запишете што и колку јадете, вклучувајќи го и бројот на калории. Потоа, со помош на паметни уреди, забележете ги калориите што сте ги изгубиле при пешачење.
Конечно, одземете го бројот на калории што сте ги изгубиле пешачејќи од вкупните калории што сте ги добиле преку храната за да видите дали сте ја постигнале целта на калории за тој ден. Слабеењето по 1 килограм секоја недела ќе ви помогне да изгубите и до 4 килограми месечно, а најдоброто нешто за овој начин на слабеење е тоа што е долгорочно.
За пешачењето да има поголем ефект најдобро е доколку го правите искачувајќи се, на пример на планина. Така се трошат далеку повеќе калории.
