Тим научници од Кралскиот колеџ во Лондон спроведе студија за тоа колку порции овошје и зеленчук се доволни за здравјето на луѓето, пренесува Independent.
Според резултатите од студијата, луѓето кои јадат по 10 порции овошје и зеленчук на ден можат да си го продолжат животот. Со вакви навики во исхраната луѓето можат да спречат 7,8 милиони случаи на предвремена смрт.
Станува збор за порции од 800 грама овошје и зеленчук кои ги намалуваат ризиците од заболување на рак и срцеви заболувања. Јадењето до 800 грама овошје и зеленчук, еднакво на 10 порции, е двојно од досегашната препорака на пет порции дневно. Како најдобри намирници за заштита од срцеви заболувања и мозочни удари се: јаболката, крушите, цитрусните овошки, салатите и зелениот зеленчук како спанаќ, брокола и карфиол.
За да се намали ризикот од рак во менито треба да бидат вклучени зелен зеленчук како боранија, жолт и портокалов зеленчук како пиперки и моркови и мешункаст зеленчук.