Електричните возила имаат одлични резултати кога се во прашање трките во забрзување, но резулатот на ова Mercedes комби е изненадување. Електричното комби зад себе ги остави Ferrari California T и Tesla Model S.
Комбито Edna е проект на компанијата Atieva од Силициумската долина. Нивниот автомобил е базиран на втората генерација на Mercedes Vito, а се напојува со електрична батерија од 87 kWh и развива неверојатни 900 коњски сили.
Предноста на ова возило е неговата големина, бидејќи нуди повеќе простор ладење, за батериите, компјутерите и останатата технологија. Резултатот на тоа е што без проблем ќе ги посрамоти суперавтомобилите благодарение на неговото забрзување од 0-100 километри на час за само 3 секунди.
Компанијата Atieva се надева дека ќе ја продаде својата технологија на некои од големите производители на автомобили или пак на некои од компаниите кои тјунираат возила.