Audi ги објави дизајнерските скици за концептот за нов SUV модел кој на пазарот треба да им се спротивстави на моделите BMW X6 и Mercedes GLE Coupe.
Купе-коросвер моделите се многу популарни, а тоа е особено забележително кај купувачите на луксузните автомобилски брендови, па потегот на Audi е логичен обид за да поднуди свое решение во тој сегмент.
Во компанијата наведуваат дека Q8 заедно со лимузината А8 ќе бидат во самиот врв на понудата на Audi. Германскиот производител овој модел го објаснува како комбинација на луксузен SUV модел и спортско купе.
Иако пристапот ќе биде сличен како на BMW X6 и Mercedes GLE Coupe, Audi најавува дека во однос на овие два модели Q8 ќе биде за нијанса поголем, полуксузен, но и поскап.
Судејќи според E-tron ознаката на предниот браник, концептот ќе има електричен погон, додека сериската верзија ќе има и конвенционални бензински и дизелски мотори со 6 и со 8 цилиндри.
Очекувањата се дека SQ8 под поклопецот ќе има 4.0 литарски V8 мотор кој ќе биде преземен од SQ7, а има шпекулации и за RS Q8 верзија со би-турбо V8 бензински мотор кој ќе развива околу 600 коњски сили.
Премиерата на концептот е закажана за почетокот на јануари на автомобилскиот саем во Детроит кога ќе бидат откриени сите детали за овој модел.
