Менаџерот на Челзи, Антонио Конте го исфрлил од тимот Диего Коста пред гостувањето на лидерот во Премиер лигата кај актуелниот шампион Лестер.
Бразилецот со шпански пасош кој сезонава е најдобриот стрелец на Челзи влегол во конфликт со помошникот на Конте, Хулио Тусо.
Оваа информација доаѓа веднаш по веста која ја пренесоа сите англиски медиуми дека Коста добил понуда од еден кинески клуб, кој му гарантира годишна плата од 30 милиони евра.
Бразилецот во Челзи пристигна за сума од 35 милиони евра во 2014 година од Атлетико Мадрид, ја освои веднаш шампионската титула, но минатата сезона играше лошо како и целиот тим. Со доаѓањето на Конте тој ја врати формата и со 14 голови ја предводи Премиер лигата.
