Доколку веќе се борите со зимскиот умор, овие совети дефинитивно ќе ви помогнат да го зголемите нивото на енергија во текот на студените денови, пишува Independent.
Еден од најсигурните знаци на хроничен умор кој најчесто се појавува во зима е тешкото станување од кревет и посегнување по неколку шолји кафе за да го започнете денот.
Како што се намалува денот така почесто се будите со помалку енергија. Дури 97 проценти од Британците сметаат дека повеќето се уморни во текот на целата зима, а 10 проценти бараат лек за уморот.
Еве неколку совети како полесно да се справите со зимскиот умор:
1. Изложување на дневна светлина
Недостатокот на сончева светлина во текот на зимата може да го наруши биоритамот на спиење и будење. Кога надвор е мрачно телото произведува повеќе мелатонин кој кај човекот ја зголемува потребата за спиење. Отворете ги ролетните во текот на денот или почесто излегувајте на природна светлина.
2. Спиење
Недоволното спиење може да направи утредента да се чувствуваме лошо, но претераното спиење во текот на зимата го има истиот ефект на тромавост. Обидете се секој ден да си легнувате и да станувате во исто време.
3. Редовно вежбање
Утринското вежбање може да ослободи ендорфин во телото, хормон на среќата. Вежбањето во подоцните часови може да го намали уморот и да го подобри квалитетот на сон.
4. Здрава храна
Наместо со кафе денот може да го започнете со здрава храна. Јадењето интегрални житарки наутро значи внесување на Б витамини кои ќе помогнат да ја претворите храната во енергија, а телото ќе го снабдат со јаглехидрати.