Една корисничка на iPhone 7 Plus објави видео на кое се гледа како од нејзиниот смартфон излегува чад и полека се топи футролата. Според некои од корисниците што го виделе нејзиниот пост на Twitter, причината за уништувањето на смартфонот може да биде и течноста од нејзината футрола.
Првично смартфонот не сакал да се вклучи, а откако го однела на сервис и кажале дека се е во ред со него. Сепак следниот ден нејзиниот iPhone 7 Plus што го купила во јануари, се прегреал и почнал да чади.
Инцидентот со овој смартфон, веднаш ги потсети корисниците на проблемите што Samsung ги имаше со својот Note 7 кој на крајот беше целосно повлечен поради проблемите со батериите кои се палеа и експлодираа.
Иако засега нема информации дека некој друг корисник имал сличен проблем, Apple најави дека ќе го истражи проблемот.
So my IPhone 7 plus blew up this morning was not even using it, literally no explanation for this pic.twitter.com/sQ8CJt4Y69
— Bree (@briannaolivas_) February 23, 2017