Авто новости

Кралот на луксузните автомобили и понатаму на врвот

14. јануари 2019 - 16:04 | А.С.

Mercedes ја задржа „круната“ на пазарот на луксузни автомобили, а BMW е најстабилен бренд во 2018 година.

Mercedes-Benz веќе трета година по ред го задржа приматот на светско ниво кога станува збор за продажба на луксузни автомобили, со речиси 200.000 продадени возила повеќе од најголемиот конкурент, BMW.

Продажбата на автомобилите на Mercedes порасна за 0,9 отсто на 2,31 единици, поддржана од воведувањето на новиот модел A класа што придонесе продажбата на компактни автомобили да сочинува една четвртина од годишната продажба на германскиот автомобилски бренд.

Главниот конкурент BMW, исто така од Германија, забележа раст на продажбата од 1,8 отсто на 2,12 милиони возила. Овој значителен раст се должи најмногу на новите SUV модели што баварскиот гигант ги претстави во текот на минатата година, објави порталот Automotive News Europe.

Третопласиран по продажба на луксузни автомобили е Audi, иако забележа пад од 3,5 отсто на 1,87 милиони продадени примероци.

Луксузните брендови и понатаму остваруваат голема заработка од побарувачката на премиум модели во Кина, која е најголем пазар за автомобили, а во Европа има пад на продажбата на сите автомобилски компании од топ 3.

Најголем пад на стариот континент забележа Audi – дури 14% - а продажбата на Mercedes падна за 2,3 отсто и на BMW за 0,3 отсто.

Во САД, продажбата на BMW порасна за 0,5 отсто, а другите два бренда забалежаа пад на продажбата - Audi за 1,4%, а Mercedes за 6,3%.

Коментирај